Hier is Chris besig om 'n WILDE potjie aan die gang te kry, hy het besluit op sy geheime resep vir beesstert. Chris is 'n onderwyser in Kalgoorlie, vrek ver van hier af. Sy meisie, Jemma, is 'n Pommie wat daarvan hou om in die grond te krap, sy is 'n geoloog.
Hierdie is onse Fairie, Lola, Jana en Mandie se kleinniggie. Sy hou van roomys en chips, alles wat klein dogtertjies nie veronderstel is om te eet nie. Wie het gese dogtertjies moet hulle altyd gedra???
Hier was amper 'n ding en 'n half met Tommie die ander potjie-kok gewees. Daar is gemerk dat hy met Chris se pot gepeuter het ... Gelukkig was sy potjie lekker genoeg, kon hom darem vergewe het. Hy het vir ons 'n Mexican Chicken-pot aanmekaar geslaan. Mandie het een woord daarvoor gehad: DE-LI-CIOUS!
Chris is hier besig om die vuur so bietjie lewe te gee, lyk of Ampie so bietjie bystaan met die bier vir ingeval Chris uitasem raak of so. Potjie maak is harde werk.
Willie en Danielle het net die spulletjie op 'n afstand bekyk. Danielle was bietjie moeg na die Atletiek, het asem geskep op Oom Willie se skoot.
Melissa is die redaktriese van die blog, het nota's
geneem om seker te maak sy mis niks nie. Dit is belangrik om op hoogte te bly van alle gebeure by so 'n geleentheid, wie sou geweet het van die ongeruimdhede as sy nie daar was nie????
